చిరంజీవి రీ ఎంట్రీ సినిమాలో ప్రముఖ హాస్యనటుడు వెన్నెల కిశోర్ నటించనున్నారట. 'వెన్నెల', 'కరెంట్' సినిమాలతో పరిశ్రమలో పాతుకుపోయిన కిశోర్ ఈ మధ్య వస్తున్న ప్రతి సినిమాలోను తనదైన శైలిలో హాస్యం పండిస్తూ ప్రేక్షకులని అలరిస్తున్నారు. అదే కోవలో ఇప్పుడు తెలుగువారంతా అందరూ ఎప్పుడెప్పుడా అని ఎదురు చూస్తున్న మెగాస్టార్ రీ ఎంట్రీ సినిమా 'కత్తిలాంటోడు' సినిమాలో కీలక పాత్ర దక్కిచుకున్నారు. నిజానికి ఈ పాత్రకోసం తొలుత సునీల్ అనుకున్నారు. చిరు మీద అభిమానంతో హీరోగా మారినా కూడా 'ఎస్' చెప్పిన సునీల్ అందుకు ఏకంగా 40 రోజుల పాటు డేట్స్ అడగటంతో సర్దుబాటు చేయలేక తప్పుకున్నారట. దాంతో ఆ అవకాశం కిశోర్‌ని వరించింది. వినాయక్ దర్శకత్వం వహించనున్న ఈ సినిమా వచ్చే నెల 6 నుండి సెట్స్ మీదికెళ్ళనుంది