కువైట్: న్యూ ఇయర్ సెలబ్రేషన్స్ సమయంలో చట్టాన్ని ఉల్లంఘించే ప్రయత్నాలను అరికట్టడానికి  అంతర్గత మంత్రిత్వ శాఖ ఒక సమగ్ర భద్రతా ప్రణాళికను సిద్ధం చేసింది. భద్రతా ప్రణాళికలో అన్ని ప్రదేశాలలో ఇంటెన్సివ్ సెక్యూరిటీని మోహరించనున్నారు. సుమారు 1,950 మంది భద్రతా సిబ్బందితో పాటు ఆరు గవర్నరేట్‌ల పరిధిలో 310 మంది భద్రతా టీములు రంగంలోకి దిగనున్నాయి. ఈ మేరకు అధికార వర్గాలు వెల్లడించాయి. క్యాపిటల్ గవర్నరేట్‌లో 2, హవల్లీలో 4 మరియు అల్-అహ్మదీ గవర్నరేట్‌లలో 2 సహా దాదాపు 8 చర్చిల వద్ద ప్రత్యేక భద్రతా చర్యలు చేపట్టనున్నారు. అలాగే ప్రసిద్ధ వాణిజ్య సముదాయాలు, మార్కెట్లు, పార్క్ సైట్లు, పబ్లిక్ గార్డెన్‌లు, తీరప్రాంతం మరియు అబ్దాలీ ఫామ్ ఏరియాలో కూడా భద్రతా బృందాలను మోహరిస్తారు.