విక్టరీ వెంకటేష్ తాజా మూవీ ‘సైంధవ్’ నుంచి తాజాగా ట్రైలర్ రిలీజ్ చేశారు. ఆల్రెడీ ఈ సినిమా స్టోరీ పలానా అంటూ గతంలోనే కొన్ని పుకార్లు షికార్లు చేశాయ్.

ట్రైలర్ చూస్తుంటే, ఆ పుకార్లు నిజమే అనిపించేలా వున్నాయ్. కానీ, వెంకటేష్ ఏజ్‌కి తగ్గ క్యారెక్టరూ, చెప్పిన డైలాగులూ, కటౌట్‌కి తగ్గ ఫైట్లూ.. తండ్రీ, కూతురు సెంటిమెంటూ.. ఇలా అనేక రకాల యాంగిల్స్ ‘సైంధవ్’‌పై అంచనాలు పెంచేలా వున్నాయ్.

సంక్రాంతి కానుకగా జనవరి 13న ఈ సినిమా రిలీజ్‌కి సిద్ధమవుతోంది. ఇదే రేస్‌లో చాలా సినిమాలున్న సంగతి తెలిసిందే. ఇది మా సినిమా శాంపిల్.. అని విక్టరీ వెంకటేష్ అందరి కన్నా ముందే తన సినిమా ట్రైలర్ రిలీజ్ చేసి, ఫ్యాన్స్‌కి మంచి ట్రీటే ఇచ్చేశాడు.

ట్రైలర్‌కి వస్తున్న రెస్పాన్స్ చూస్తుంటే, సంక్రాంతి రేస్‌లో విక్టరీ వెంకటేష్‌ని విక్టరీ వరించడం ఖాయమే అనిపిస్తోంది. అన్నట్లు ఈ సినిమాకి ‘హిట్’ దర్శకుడు శైలేష్ కొలను దర్శకత్వం వహించగా, శ్రద్ధా శ్రీనాధ్ హీరోయిన్‌గా నటించింది. నవాజుద్దీన్ సిద్ధిఖీ విలన్ పాత్ర పోషించాడు.