రియాద్: సౌదీలోని వాయువ్య ప్రాంతంలోని టబుక్‌లోని ఒక పెట్రోల్ బంకులో మంగళవారం సంభవించిన భారీ అగ్నిప్రమాదంలో ఒకరు మరణించగా.. అనేక మందికి స్వల్ప గాయాలయ్యాయి. పెట్రోల్ స్టేషన్‌లో చెలరేగిన మంటలను తబుక్‌లోని పౌర రక్షణ విభాగం ఆర్పివేసినట్లు సౌదీ సివిల్ డిఫెన్స్ డైరెక్టరేట్ తెలిపింది. ప్రమాదానికి సంబంధించిన వీడియోలు సోషల్ మీడియా ప్లాట్‌ఫారమ్‌లలో వైరల్ అయ్యాయి.  తీవ్రమైన మంటలు, దట్టమైన పొగ ఆ ప్రాంతాన్ని కప్పివేసాయి. సివిల్‌ డిఫెన్స్‌ బృందాలు ఘటనా స్థలానికి చేరుకుని మంటలను ఆర్పివేయడం అందులో కనిపించింది. అగ్నిప్రమాదానికి గల కారణాలను తెలుసుకోవడానికి పరిశోధనలు జరుగుతున్నాయని సివిల్ డిఫెన్స్ వర్గాలు పేర్కొన్నాయి.