యూఏఈ: టామ్‌టామ్ ట్రాఫిక్ ఇండెక్స్ ప్రకారం.. మెట్రో ప్రాంతంలో ప్రపంచంలోనే అత్యంత ట్రాఫిక్ రద్దీ ఉన్న నగరంగా మనీలా నిలిచింది. ఈ ప్రాంతంలో 10కిమీ ప్రయాణించడానికి సగటు సమయం 25 నిమిషాల 30 సెకన్లు, రద్దీ స్థాయి 52%గా ఉంది. భారతీయ నగరాలు బెంగళూరు,  ముంబయిలు జాబితాలో మూడు,  ఏడవ స్థానాల్లో ఉన్నాయి.  10 కి.మీ సగటు ప్రయాణ సమయాలు వరుసగా 23 నిమిషాల 50 సెకన్లు,  22 నిమిషాల 30 సెకన్లుగా ఉంది. 

యూఏఈ నగరాలు
ఇండెక్స్ ప్రకారం.. అల్ ఐన్, అబుదాబి యూఏఈ నగరాలలో అతి తక్కువ రద్దీగా ఉన్నాయి. ఇవి 346 మరియు 353 ర్యాంక్‌లలో ఉన్నాయి. అబుదాబికి 9 నిమిషాల 30 సెకన్లు 10కిమీ ప్రయాణ సమయం ఉంది. అదే దూరానికి దుబాయ్(330వ ర్యాంక్‌) 10 నిమిషాల 20 సెకన్లు ఉంటుంది.  కాగా, ఫుజైరా 11 నిమిషాల 20 సెకన్లతో 302వ ర్యాంక్‌లో ఉంది. షార్జా యూఏఈ నగరాల్లో అత్యంత రద్దీగా ఉంది. 268 ర్యాంకింగ్ తో 10కిమీల ప్రయాణ సమయం 12 నిమిషాల-30 సెకన్లు పడుతుంది.