ప్రశాంత్ వర్మ.. రెండు చిన్న సినిమాలు తీసిన ఓ చిన్న డైరెక్టర్. తేజ సజ్జా కూడా అంతే.! హీరోగా రెండు సినిమాలు చేసిన అనుభవం మాత్రమే వుంది.

ఈ ఇద్దరి కాంబినేషన్‌లో వచ్చిన సినిమానే తాజా సినిమా ‘హనుమాన్’. ఇది కూడా చిన్న సినిమానే. కానీ.. పెద్ద హిట్టు సినిమా. విడుదలై వారం రోజులైంది. అయినా హౌస్ ఫుల్స్. ఎక్కడా తగ్గేదే లే.! అంటున్నారు ‘హనుమాన్’ చూసేందుకు ప్రేక్షకులు.

ఈ సంగతిలా వుంటే.. ఈ సినిమా చివరి 10 నిముషాల్లో కనిపించే హనుమంతుడి పాత్రకు మెగాస్టార్ చిరంజీవిని చేయమని అడిగారట. సినిమా చూసిన తర్వాత చిరంజీవి ఒప్పుకోలేదట.

సినిమా చాలా బాగా వచ్చింది. మీరు పడిన కష్టానికి నా తరపు నుంచి ఏ సాయమైనా చేస్తాను. ఎంత సపోర్ట్ అయినా ఇస్తాను. కానీ, సినిమాలో నేను నటించను. మీ కష్టానికి తగ్గ ఫలితం మీకే దక్కాలి.

నేను నటిస్తే.. సినిమాకి వున్న హైప్ వేరే లెవల్ అయిపోతుంది.. అలా కావడం నాకిష్టం లేదు.. అంటూ  ఇంత లో బడ్జెట్‌లో ఆ స్థాయిలో తెరకెక్కించినందుకు చిత్ర యూనిట్ మొత్తాన్నీ అభినందిస్తూ టీమ్‌ని ప్రోత్సహించారు చిరంజీవి.

చిరంజీవి చెప్పినట్లుగానే, నమ్మకం ఇచ్చినట్లుగానే సినిమా మంచి విజయం అందుకుంది. మంచి వసూళ్లు రాబడుతోంది. ప్రశాంత్ అండ్ టీమ్ పడిన కష్టమంతా తెరపై భారీగా కనిపిస్తోంది.  ‘హనుమాన్’ అనేది సినిమా కాదు.. ఓ అద్భుతం అంతే.!