‘దేవర’ సినిమా శరవేగంగా షూటింగ్ జరుపుకుంటోంది. లాంగ్ లాంగ్ షెడ్యూల్స్ ప్లానింగ్‌తో కొరటాల శివ వేగంగా షూటింగ్ పూర్తి చేసే పనిలో వున్నారట.

అయితే, తాజాగా ‘దేవర’ రిలీజ్ డేట్ విషయంలో కాస్త గందరగోళం వినిపిస్తోంది. ఏప్రిల్‌లో సినిమా రిలీజ్ చేయబోతున్నామని చిత్ర యూనిట్ ఎప్పుడో ప్రకటించింది.

కానీ, ఆ డేట్‌కి సినిమా పూర్తయ్యేలా లేదని ఇన్‌సైడ్ సోర్సెస్ ద్వారా అందుతోన్న సమాచారం. అలాగే, విఎఫ్‌ఎక్స్ వర్క్ విషయంలోనూ కొంత జాప్యం కలిగే అవకాశాలున్నట్లు తెలుస్తోంది.

ఇవన్నీ ఓ ఎత్తయితే.. ఎలక్షన్స్ రూపంలో మరో అలజడి ‘దేవర’ను చుట్టు ముట్టేలా వుంది. దాంతో, రిలీజ్ వాయిదా పడే అవకాశాలున్నట్లు ప్రచారం జరుగుతోంది. ఎలక్షన్స్ హంగామాలో ‘దేవర’ను రిలీజ్ చేస్తు.. ఆ తాకిడికి నిలబడే అవకాశాలుండవ్. కొట్టుకుపోతుంది.

అసలే ఇది అటు ఎన్టీయార్‌కీ, ఇటు కొరటాల శివకీ చాలా చాలా ప్రతిష్టాత్మకమైన చిత్రం. సో, ఆ యాంగిల్‌లోనే వాయిదా ప్రచారం తెరపైకి వచ్చినట్లు తెలుస్తోంది. చూడాలి మరి, ఈ ప్రచారంపై చిత్ర యూనిట్ ఎలాంటి స్పష్టత ఇవ్వనుందో.!