కమెడియన్‌గా కెరీర్ స్టార్ట్ చేసిన నటుడు సుహాస్.. ‘కలర్ ఫోటో’ సినిమాతో హీరోగానూ సత్తా చాటాడు. చాలా మంది కమెడియన్లు హీరోలుగా మారి తమ కెరీర్‌ని గందరగోళంలో నెట్టేసుకున్న సంగతి తెలిసిందే.

కానీ, సుహాస్ అలా కాదు. ఓ పక్క తనకు గుర్తింపు తెచ్చిన కమెడియన్ స్టేటస్ అలాగే వుంచుకున్నాడు. దాంతో పాటూ, విభిన్న తరహా కథల్లో లీడ్ రోల్స్ పోషిస్తూ శభాష్ అనిపించుకుంటున్నాడు.

ఇటీవల ‘రైటర్ పద్మభూషన్’ సినిమాతో సుహాస్ తన స్థానాన్ని మరింత పదిలం చేసుకున్నాడు. తాజాగా మరో విభిన్న మూవీతో వస్తున్నాడు. అదే ‘అంబాజీ పేట బ్యాండ్’. ఈ సినిమాలో మంగలి పాత్రలో సుహాస్ నటిస్తున్నాడు.

ఓ వైపు వినోదం పంచుతూనే మరోవైపు ఓ సీరియస్ ఇంట్రెస్టింగ్ కాన్సెప్ట్ ఏదో చెప్పబోతున్నాడు ఈ సినిమాతో. లేటెస్ట్‌గా రిలీజైన ఈ సినిమా ట్రైలర్‌కి మంచి రెస్పాన్స్ వస్తోంది. తనదైన బేస్ వాయిస్‌తో సుహాస్ పలుకుతున్న డైలాగులు ఎప్పటిలాగే ఈ సినిమాకీ ప్లస్ కానున్నాయని ట్రైలర్ చూస్తుంటే అర్ధమవుతోంది.

ఫిబ్రవరిలో ‘అంబాజీపేట బ్యాండ్’ ప్రేక్షకుల ముందుకు రానుంది.