యూఏఈ: దుబాయ్‌లోని రోడ్స్ అండ్ ట్రాన్స్‌పోర్ట్ అథారిటీ (RTA) గత సంవత్సరం అవసరమైన అనుమతులు లేకుండా పనిచేస్తున్న కొంతమంది పాఠశాల బస్సు డ్రైవర్లు మరియు రవాణా అటెండెంట్‌లను గుర్తించింది. 2023లో జూలై, డిసెంబర్ మధ్య పాఠశాలల బస్సులను మొత్తం 6,323 తనిఖీలు నిర్వహించినట్లు RTA తెలిపింది.  అదేవిధంగా బస్సులో అగ్నిమాపక యంత్రం, GPS ట్రాకింగ్ సిస్టమ్ మరియు కెమెరాలు లేకపోవడంతో సహా ఇతర బస్సు భద్రతా నియమాలను కూడా ఉల్లంఘించినట్లు RTA గుర్తించింది.  చెల్లుబాటు అయ్యే యూఏఈ డ్రైవింగ్ లైసెన్స్‌ను కలిగి ఉండటమే కాకుండా, పాఠశాల బస్సు డ్రైవర్ RTA నుండి ప్రత్యేకంగా అనుమతిని కూడా పొందాలి.  ఇందుకోసం డ్రైవర్ తప్పనిసరిగా అవసరమైన శిక్షణలో ఉత్తీర్ణత సాధించాలి. అలాగే స్కూల్ బస్సుల్లో ఐదవ తరగతి వరకు బాయ్స్, ఉన్నత పాఠశాల వరకు గర్ల్స్ ఉంటే మహిళా సూపర్‌వైజర్ తప్పనిసరి. బస్సు యొక్క గరిష్ట వేగం గంటకు 80కిమీ మించకూడదు.  ఇందుకోసం ఎమిరేట్స్ అథారిటీ ఫర్ స్టాండర్డైజేషన్ మరియు మెట్రాలజీ ఆమోదించిన స్పీడ్ కంట్రోల్ పరికరాన్ని బస్సుల్లో అమర్చుకోవాలి.  ఇదిలా ఉండగా.. ప్రతి సెమిస్టర్ ప్రారంభంలో అన్ని విద్యా సౌకర్యాల వద్ద ఇంటెన్సివ్ ఇన్‌స్పెక్షన్ క్యాంపెయిన్‌లు నిర్వహిస్తామని ఆర్టీఏ తెలిపింది.