కువైట్: ఆహార పదార్థాల గడువు తేదీని పొడిగించిన దుకాణాన్ని వాణిజ్యం మరియు పరిశ్రమల మంత్రిత్వ శాఖ అధికారులు మూసివేశారు. నివేదికల ప్రకారం.. దుకాణం గడువు ముగిసిన ఆహార పదార్థాలు, మొలాసిస్‌లను నిల్వ చేసింది. వీటిని దేశవ్యాప్తంగా ఉన్న రెస్టారెంట్‌లు మరియు కేఫ్‌లకు విక్రయించేందుకు వీలుగా వాటిపైనే ఉన్న గడువు తేదీని మార్చింది. షువైఖ్ ఇండస్ట్రియల్ ఏరియాలో ఉన్న దుకాణాన్ని తనిఖీ చేసిన అధికారులు.. గడువు తేదీ ముగిసిన ఆహార పదార్థాలను సీజ్ చేశారు. ఆ కంపెనీపై చట్టపరమైన చర్యలు తీసుకోనున్నట్లు వెల్లడించారు.