దోహా: ఫిబ్రవరి 13న ఖతార్‌లో క్రీడా దినోత్సవాన్ని పురస్కరించుకుని అల్ బిడ్డా పార్క్‌లో దాదాపు 200 క్రీడా కార్యక్రమాలను నిర్వహించనున్నట్లు హార్టికల్చరల్ ఎక్స్‌పో 2023 దోహా ఆర్గనైజింగ్ కమిటీ ప్రకటించింది. క్రీడా కార్యక్రమాలను నిర్వహించడం ద్వారా క్రీడలపై శ్రద్ధ పెట్టడం అత్యంత కీలకమైన లక్ష్యమని చెప్పారు.  అన్ని వయసుల వారికి సరిపోయేలా ఈ సందర్భంగా నిర్వహించే అనేక రకాల కార్యక్రమాలలో పౌరులు,  నివాసితులు అందరూ పాల్గొనాలని ఈ సందర్భంగా కమిటీ కోరింది. ఎక్స్‌పో లక్ష్యాలకు అనుగుణంగా గ్రీన్ జోన్‌లలోని పార్క్ లలో క్రీడలను ప్రాక్టీస్ చేయమని కోరారు. ఎక్స్‌పో ఫిబ్రవరి 9 వరకు ఫెడరేషన్‌తో కలిసి శీతాకాలపు రేసులను నిర్వహిస్తుంది.