ప్రబాస్ అంటే యూనివర్సల్ స్టార్. మరి, అంతటి రేంజ్ వున్న స్టార్ హీరోతో సినిమా అంటే కేవలం ఆ స్థాయి వున్న డైరెక్టర్లకే ఛాన్సుంటుంది. కానీ, చిన్న హీరోలతో చిన్న సినిమాలు తీసే మారుతికి ప్రబాస్‌ని డైరెక్ట్ చేసే అవకాశం ఎలా వచ్చిందా.? అన్నది ఇప్పటికీ మిలిమిన్ డాలర్ల ప్రశ్నే.
ఛాన్స్  అయితే వచ్చేససింది. అదే ‘రాజా సాబ్’. మారుతి సినిమాలంటే ఓ ఐడియా వుందింతవరకూ. అయితే హీరోకి ఏదో ఒక డిఫెక్ట్ పెట్టడం.. లేదంటే.. హారర్ కామెడీతో ప్రేక్షకుల నాడి పట్టడం..!
మరి, ఏ జోనర్‌లో ప్రబాస్‌ని చూపించబోతున్నాడు.? ఖచ్చితంగా ప్రబాస్‌ని ఓ కొత్త జోనర్‌లో చూపించబోతున్నా.. అని మారుతి పదే పదే చెబుతున్నాడు. కంప్లీట్ హారర్ బేస్ కాన్సెప్ట్‌తో కాదు కాదు కాస్త హ్యూమరస్ కూడా యాడ్ చేస్తాడట.. ఈ జోనర్‌లోనే ప్రబాస్‌ని చూపించబోతున్నాడని ప్రచారం జరుగుతోంది.
ఎలా చూపించినా ప్రబాస్‌ని ఓ యాక్షన్ హీరోగానే జనం ఎక్స్‌పెక్ట్ చేస్తుంటారు. అలాగని ప్రబాస్ కామెడీ చేయలేడా.? అంటే.. ఆ రసం కూడా ప్రబాస్‌లో కూసింత ఎక్కువే.. ‘డార్లింగ్’ తదితర సినిమాలు ప్రబాస్‌‌కి మంచి హిట్స్ అందించడంతో పాటూ.. ప్రేక్షకుల మనసుకు బాగా దగ్గరైన సినిమాలు కూడా.
ఈ తరహాలోనే మారుతి సినిమా వుంటుందంటే.. అది కూడా లక్కు కలిసొచ్చి.. హిట్టయ్యిందంటే.. అటు ప్రబాస్‌కీ, ఇటు మారుతికీ ఇద్దరికీ పండగే. ఫ్యాన్స్‌కి ఇంకా పెద్ద పండగ.!