రియాద్ : జకాత్, టాక్స్ అండ్ కస్టమ్స్ అథారిటీ (ZATCA) అధికారులమంటూ మోసపూరిత టెక్స్ట్,  ఇమెయిల్ సందేశాలు పంపే స్కామర్ల ఉచ్చులో పడొదందరి హెచ్చరిక జారీ చేసింది. రీఫండ్ పేరుతో స్కామర్‌లు ఉచ్చును వేస్తారని, అలాగే మోసగాళ్లు కస్టమర్ల వ్యక్తిగత లేదా బ్యాంకింగ్ డేటాకు కూడా యాక్సెస్‌ను పొందేందుకు ప్రయత్నిస్తున్నారని ZATCA తెలిపింది. అథారిటీకి చెల్లించిన మొత్తాలను వాపసు చేయమని, మరింత సమాచారం కోసం లేదా డేటాను అప్డేట్ చేసుకోవాలని లేదా ఎలక్ట్రానిక్ ఫారమ్‌లను పూరించడానికి ఎలక్ట్రానిక్ లింక్‌లకు క్లిక్ చేయాలని వంటి పలు అనుమానాస్పద సందేశాల ద్వారా వ్యక్తిగత, బ్యాంకింగ్ డేటాను పొందడం వంటి మోసపూరిత పద్ధతులను స్కామర్లు అవలంబిస్తున్నారని  అథారిటీ పేర్కొంది. ఇలాంటి వాటిపై జాగ్రత్తగా ఉండాలని సూచించింది.  అథారిటీ వెబ్‌సైట్ ( zatca.gov.sa ) మరియు ZATCA అప్లికేషన్ అయిన అధికారిక ఛానెల్‌ల ద్వారా తప్ప ఇతర మార్గాల ద్వారా బ్యాంక్ కార్డ్‌లకు సంబంధించిన ఏదైనా సమాచారాన్ని యాక్సెస్ చేయొద్దని కోరింది. కాల్ సెంటర్ (19993) లేదా “ఆస్క్ జకాత్, టాక్స్ మరియు X ప్లాట్‌ఫారమ్‌లోని కస్టమ్స్" ఖాతా (@Zatca_Care@ లేదా ఇ-మెయిల్ ద్వారా ( [email protected] ) లేదా అధికార వెబ్‌సైట్ ద్వారా వెరిఫై చేసుకోవాలన్నారు.