అవునండీ మీరు విన్నది నిజమే.! గతంలోనే జాన్వీ కపూర్, రామ్ చరణ్ జోడీ కుదరాల్సి వుంది. కానీ కుదరలేదు. ఇప్పుడెలాగూ జాన్వీ కపూర్.. ‘దేవర’ సినిమాతో తెలుగులోకి ఎంట్రీ ఇస్తోంది.

సో, తెరంగేట్రం ఎలాగూ జరిగింది కాబట్టి.. ఇప్పుడిక స్టార్ హీరోలకు జోడీగా జాన్వీ కపూర్ పేరు లిస్టులో యాడ్ అయిపోయింది. ఆ నేపథ్యంలోనే రామ్ చరణ్ తాజా మూవీలో జాన్వీ కపూర్‌ని హీరోయిన్‌గా తీసుకున్నారని సమాచారం అందుతోంది.

బుచ్చిబాబు సన, రామ్ చరణ్ కాంబినేషన్‌లో ఓ సినిమా తెరకెక్కుతోన్న సంగతి తెలిసిందే. ఈ సినిమాలో మొదట రవీనా టాండన్ కూతురు రషా తదానీని హీరోయిన్‌గా అనుకున్నారు.

అయితే, ఆ ప్లేస్‌లోకి జాన్వీ కపూర్ పేరు వచ్చి చేరింది. అయితే, ఈ సమాచారం అధికారికంగా ప్రకటించబడలేదు. కానీ, జాన్వీ కపూర్ నటనా టాలెంట్ ఏంటో అందరికీ తెలిసిందే.

సో, రామ్ చరణ్ సినిమాలో జాన్వీ కపూర్ అయితేనే బాగుంటుంది... అని నెటిజన్లు అభిప్రాయపడుతున్నారు. చూడాలి ఈ ప్రచారమే నిజం కానుందేమో.!