‘ఊరు పేరు భైరవకోన’.. ఈ నెల 9న రిలీజ్ కావల్సిన సినిమా ఇది. అయితే, మాస్ రాజా రవితేజ నటించిన ‘ఈగల్’ సినిమా కోసం ఈ సినిమాని పోస్ట్ పోన్ చేశారు.

అయితేనేం.! ఈ సినిమాని ప్రమోట్ చేసుకోవడానికి టైమ్ దొరికింది సందీప్ కిషన్‌కి. మరో వారం రోజుల్లో అనగా ఫిబ్రవరి 16న ‘ఊరు పేరు భైరవకోన’ ప్రేక్షకుల ముందుకు రానుంది.

ట్రైలర్‌కి వచ్చిన రెస్పాన్స్ చూస్తే.. బొమ్మ హిట్టే అనిపిస్తోంది. అయితే, ఈ మధ్య టీజర్లు, ట్రైలర్లతో చాలా ఛీటింగ్ జరుగుతోంది. ట్రైలర్‌ ఇచ్చిన కిక్కు.. రిలీజ్ తర్వాత సినిమాలు ఇవ్వడం లేదు.

ఇటీవల రిలీజైన ‘సైంధవ్’ తదితర సినిమాల విషయంలో ప్రేక్షకుల అభిప్రాయాలు అలాగే వున్నాయ్. కానీ, ‘భైరవకోన’ సూపర్ నేచురల్ పవర్స్‌తో తెరకెక్కిన మూవీలా అనిపిస్తోంది.

‘విరూపాక్ష’ ఛాయలు కనిపిస్తున్నాయ్. ఒకవేళ లక్కు కలిసొచ్చి.. ఈ సినిమా హిట్ అయితే, సందీప్ కిషన్ కెరీర్‌కి యూజ్ అవుతుంది. అందుకే సినిమాని గట్టిగా ప్రమోట్ చేస్తున్నాడు. వరుస ఇంటర్వ్యూలతో సినిమాని జనాల్లోకి ఇంజెక్ట్ చేసే ప్రయత్నం బాగానే చేస్తున్నాడు. చూడాలి మరి, సందీప్ కిషన్ ప్రయత్నాలు ఫలిస్తాయో లేదో.!