రియాద్: అనేక దేశాలలో ఉల్లి ధరల పెరుగుదల అనేది ప్రపంచ సమస్య అని సౌదీ ఛాంబర్స్ ఫెడరేషన్ (FSC) పేర్కొంది. 2023లో కింగ్‌డమ్ మొత్తం వినియోగం 702000 టన్నులకు చేరుకోవడంతో సౌదీ మార్కెట్ ఉల్లి పంటల కొరతకు గురికాదని గురువారం విడుదల చేసిన ఒక ప్రకటనలో ధృవీకరించింది, ఇందులో స్థానిక ఉత్పత్తి దాదాపు 365000 టన్నులు, లోటు 52 శాతంగా ఉంద‌ని పేర్కొంది. లోటును విదేశాల నుంచి వచ్చే దిగుమతుల ద్వారా కవర్ చేస్తామ‌ని తెలిపింది. గ్లోబల్ ఉల్లి ధరల పెరుగుదల సరఫరా గొలుసులకు అంతరాయం కలిగించిందని, ప్రపంచ పరిస్థితుల కారణంగా ఎగుమతి చేసే దేశాలలో ఉల్లి ఉత్ప‌త్తులు త‌గ్గాయ‌ని, దీంతో కింగ్డమ్ కు ఉల్లిపాయల దిగుమతులను తగ్గించడానికి దోహదపడిందని ఫెడరేషన్ పేర్కొంది.  జనరల్ అథారిటీ ఫర్ స్టాటిస్టిక్స్ విడుదల చేసిన 2022 వ్యవసాయ గణాంకాల నివేదిక ప్రకారం.. 2022 సంవత్సరంలో ఉల్లిపాయ స్వయం సమృద్ధి నిష్పత్తి (SSR) 44 శాతంగా ఉంది.