జిసిసి దేశాలు వలసదారులకు 17 మిలియన్‌ ఉద్యోగావకాశాల్ని కల్పిస్తూ, పేదరిక నిర్మూలనలో తమవంతు బాధ్యతను పోషిస్తున్నాయని జెనీవాలో జరుగుతున్న జాయింట్‌ జిసిసి క్యాబినెట్‌, అంతర్జాతీయ కార్మిక కాన్ఫరెన్స్‌లో వెల్లడించింది. కాన్ఫరెన్స్‌ - 105వ సెషన్‌లో సౌదీ అరేబియా మినిస్టర్‌ ఆఫ్‌ లేబర్‌ అండ్‌ సోషల్‌ డెవలప్‌మెంట్‌ డాక్టర్‌ మౌఫర్రెజ్‌ బిన్‌ సాద్‌ హక్‌బాని మాట్లాడుతూ, వలసదారులు తమ స్వదేశాలకు 80 బిలియన్‌ డాలర్లను జిసిసి దేశాల ఉంచి తీసుకెళుతున్నట్లు చెప్పారు. అది వారి వారి దేశాల్లో పేదరికాన్ని తగ్గించడానికి పరోక్షంగా ఉపయోగపడుతుందని ఆయన అన్నారు. 17 మిలియన్‌ కార్మికులు జిసిసి దేశాలకు ఆర్థికంగా ఊతాన్నిస్తున్నారని వివరించారాయన. యూఎన్‌ 2030 ప్రోగ్రామ్‌లో పాల్గొనేందుకు జిసిసి దేశాలు సిద్ధంగా ఉన్నాయనీ, పేదరిక నిర్మూలన కోసం యూఎన్‌ చేపట్టే అన్ని కార్యక్రమాలకూ జిసిసి మద్దతు ఉంటుందని చెప్పారు హక్‌బానీ. జిసిసి దేశాలు మహిళలకు మరిన్ని ఉద్యోగావకాశాలు కల్పించేందుకు తగిన అవకాశాల్ని అన్వేషిస్తోందని ఆయన వెల్లడించారు.