మెగా ప్రిన్స్ వరుణ్ తేజ్ హీరోగా రూపొందుతోన్న ‘ఆపరేషన్ వాలైంటైన్’ చిత్రాన్ని అంత ఆషా మాషీగా వదిలిపెట్టడం లేదు. ఏదో పెద్ద స్కెచే వేశారీ సినిమాపై.

వరుణ్ తేజ్ వివాహం తర్వాత వస్తున్న సినిమా కావడంతో అంచనాలు భారీగా వున్నాయ్. ఆ అంచనాల్ని అందుకునే ప్రయత్నంగా ప్రమోషన్లు ఊదరగొట్టేస్తున్నారు. చాలా కష్టపడుతున్నాడు వరుణ్ తేజ్ ఈ సినిమా కోసం.

సినిమా షూటింగ్ టైమ్‌లోనూ చాలా కష్టపడ్డాడు. ఇప్పుడు ప్రమోషన్ల విషయంలోనూ ఎక్కడా తగ్గడం లేదు. వరుసగా ఇంటర్వ్యూలిస్తుండడంతో పాటూ, సినిమాని జనంలోకి తీసుకెళ్లే ఏ ఒక్క ప్రయత్నాన్నీ వదిలి పెట్టడం లేదు.

మార్చి 1న వరల్డ్ వైడ్‌గా ఈ సినిమా ప్రేక్షకుల ముందుకు రానుంది. తెలుగుతో పాటూ, హిందీలోనూ ఈ సినిమా ప్రతిష్టాత్మకంగా విడుదలవుతోంది.

కాగా, సినిమా ప్రీ రిలీజ్ ఈవెంట్‌ని ఘనంగా ప్లాన్ చేశారు ‘ఆపరేషన్ వాలైంటైన్’ టీమ్. ఈ ఈవెంట్‌కి మెగాస్టార్ పద్మవిభూషణ్ చిరంజీవి ముఖ్య అతిథిగా విచ్చేస్తుండడంతో సినిమా రేంజ్ ఇంకా మారిపోయింది.

హైద్రాబాద్‌లోని జెఆర్‌సి కన్వెన్షన్స్‌లో ఈ ఈవెంట్ ఘనంగా జరగబోతోంది. శక్తి ప్రతాప్ సింగ్ హుడా ఈ సినిమాతో దర్శకుడిగా పరిచయమవుతున్నాడు.  బాలీవుడ్ బ్యూటీ మానుషి చిల్లర్ హీరోయిన్‌గా నటిస్తోంది.