సంక్రాంతి సినిమాల్లో అంచనాల్లేకుండా.. వచ్చిన చిన్న సినిమా ‘హనుమాన్’. పెద్ద సినిమాలతో పోటీగా బరిలోకి దిగిన ఈ సినిమాని ఎలాగైనా తొక్కేయాలని ప్రయత్నించారు కానీ, జరగలేదు. ఎంత తొక్కేయాలనుకున్నారో.. అంత కన్నా ఎక్కువగా లేచింది.

పండగ సెలవుల్లో ఫుల్.. హౌస్ ఫుల్స్‌తో ‘హనుమాన్’ కలెక్షన్ల జోరు కురిపించింది. అన్ని వర్గాల ప్రేక్షకుల్ని అలరించింది. ఈ మధ్య కాలంలో ఇన్ని వారాలు ధియేటర్లలో వున్న సినిమాగా ‘హనుమాన్’ రికార్డు సృష్టించింది.

ఒక్కసారి చూసినవాళ్లే ఆ విజువల్స్ కోసం మళ్లీ మళ్లీ ‘హనుమాన్’ని వీక్షించడం విశేషం. ఇక, ఇప్పుడు సినిమా టిక్కెట్ రేటు తగ్గించి మరో ట్రిక్ ప్లే చేశారు. అందులోనూ సక్సెస్ అయ్యింది ‘హనుమాన్’ సినిమా.

తక్కువ టికెట్ రేటును కూడా హనుమాన్ వీక్షకులు యూజ్ చేసుకున్నారు. దాంతో, మరో వారం రోజులు ఈ సినిమాని తక్కువ ధరకే ధియేటర్లలో వుంచాలని యాజమాన్యాలు డిసైడ్ అయ్యాయ్. సింగిల్ స్ర్కీన్‌‌పై 99 రూపాయల టిక్కెట్లు ధర కాగా, బిగ్ స్ర్కీన్స్‌పై 112 రూపాయలుగా వుంది.

ఈ నెల 29 వరకూ ఇవే టిక్కెట్ ధరలు కొనసాగనున్నాయ్. ఇక, ఆ తర్వాత గ్యాప్ లేకుండానే ఓటీటీలో సందడి చేసేందుకు సిద్ధమవుతోంది ‘హనుమాన్’. మార్చి 2 నుంచి ఓటీటీలో ప్రసారం చేసేందుకు సర్వం సిద్ధం చేశారు. ఓటీటీలోనూ ఈ సినిమాని మళ్లీ మళ్లీ వీక్షించేందుకు ఆడియన్స్ రెడీగా వున్నారు.