రియాద్: ఫిబ్రవరి మూడవ వారంలో సౌదీ అరేబియాలోని అన్ని ప్రాంతాలలో నిర్వహించిన తనిఖీలలో  సౌదీ భద్రతా దళాలు మొత్తం 19,431 మంది అక్రమ నివాసితులను అరెస్టు చేశాయి. ఇందులో 11,897 మంది రెసిడెన్సీ చట్టాన్ని ఉల్లంఘించినవారు, 4,254 మంది సరిహద్దు భద్రతా చట్టాన్ని ఉల్లంఘించినవారు, 3,280 మంది కార్మిక చట్టాన్ని ఉల్లంఘించినవారు ఉన్నారు. ఫిబ్రవరి 15 నుండి ఫిబ్రవరి 21, 2024 మధ్య కాలంలో భద్రతా బలగాలు తనిఖీలు నిర్వహించాయి. సౌదీ సరిహద్దులు దాటేందుకు ప్రయత్నిస్తూ 971 మంది పట్టుబడ్డారు. వీరిలో 39 శాతం మంది యెమెన్ జాతీయులు, 57 శాతం ఇథియోపియన్ జాతీయులు మరియు నాలుగు శాతం ఇతర జాతీయులకు చెందినవారు.  ప్రస్తుతం వివిధ దశల చట్టపరమైన ప్రక్రియల్లో ఉన్న మొత్తం వ్యక్తుల సంఖ్య 58,365 మంది ప్రవాసులకు చేరుకుందని, వీరిలో 53,636 మంది పురుషులు మరియు 4,729 మంది మహిళలు ఉన్నారు.  సరిహద్దు భద్రతా చట్టాన్ని ఉల్లంఘించే వారికి 15 సంవత్సరాల వరకు జైలుశిక్ష, SR1 మిలియన్ల వరకు జరిమానాలు విధించబడతాయని అంతర్గత వ్యవహారాల మంత్రిత్వ శాఖ హెచ్చరించింది.