శంకర్ అంటే ఆ మాత్రం వుండాలా.?

- February 27, 2024 , by Maagulf

దర్శకుల యందు శంకర్ దర్శకత్వం వేరయా అంటారు సినీ ప్రియులు. అవును కాస్త ఆలస్యమైనా అమృతం, అద్భుతాల్లాంటి సినిమాలే ఆయన నుంచి వస్తుంటాయ్. అందులో నో డౌట్.

ప్రస్తుతం ఆయన ఒక పక్క ‘ఇండియన్ 2’, మరో పక్క ‘గేమ్ ఛేంజర్’ సినిమాలు తెరకెక్కిస్తున్న సంగతి తెలిసిందే. రోడ్లకి పెయింటింగులు వేయడం.. బస్సులు, లారీలను కలర్స్‌తో ముంచేయడం.. హీరో, హీరోయిన్లనే కాదు, బ్యాక్ గ్రౌండ్‌లో కనిపించే ఆర్టిస్టులందరినీ డిఫరెంట్ గెటప్పులతో చూపించడం ఈ తరహా హంగులు కేవలం శంకర్ సినిమాల్లోనే చూడగలం.

ఏదైనా సరే, భారీగా వుండాలి ఆయనకు. అలాంటి భారీతనం కోసం ఎంతైనా ఖర్చు పెట్టేస్తారాయన. అలాగే ఇప్పుడు ఆయన తెరకెక్కిస్తున్న ‘ఇండియన్ 2’ సినిమా కోసం ఓ పెద్ద అపార్టుమెంట్ రేంజ్‌లో హోర్డింగులు సిద్ధం చేయిస్తున్నారట.

వీటిని సినిమా షూటింగ్‌తో పాటూ, ఆ తర్వాత ప్రమోషన్స్‌కీ వాడబోతున్నారట. కమల్ హాసన్ కటౌట్‌తో కూడిన ఈ భారీ హోర్డింగులకు సంబంధించి సినిమాలో కొన్ని కీలకమైన సన్నివేశాల చిత్రీకరణ వుండబోతోందట. వీటి కోసం భారీ ఖర్చు చేశారనీ తెలుస్తోంది.

విశ్వ నటుడైన కమల్ హాసన్ కెరీర్‌లో అత్యంత ప్రతిష్టాత్మకమైన చిత్రంగా ఈ సినిమా తెరకెక్కిస్తున్నారట డైరెక్టర్ శంకర్.