మంచు విష్ణు ప్రధాన పాత్రలో ప్యాన్ ఇండియా చిత్రంగా ‘కన్నప్ప’ సినిమా తెరకెక్కుతోన్న సంగతి తెలిసిందే. ప్యాన్ ఇండియా కాదు, ప్యాన్ వరల్డ్ మూవీగా ఈ సినిమాని అభివర్ణిస్తున్నారనుకోండి.

మంచు విష్ణు కెరీర్‌లోనే భారీ బడ్జెట్‌తో రూపొందుతోన్న సినిమా ఇది. ప్యాన్ ఇండియాని ఎట్రాక్ట్ చేసే విధంగానే పలు భాషల నుంచి ప్రముఖ నటీ నటులు ఈ సినిమాలో నటిస్తున్నారు.

టాలీవుడ్ నుంచి ప్రబాస్, కన్నడ స్టార్ హీరో శివ రాజ్ కుమార్ ఈ సినిమాలో నటిస్తున్నారు. అలాగే, తమిళ ఇండస్ర్టీ నుంచి మోహన్ లాల్, బాలీవుడ్ నుంచి అమితాబ్ బచ్చన్ తదితరులు నటిస్తున్నారు.

ఇంత మందిని ఈ సినిమాలో భాగం చేయడం.. సినిమాని అన్ని భాషల వారికీ దగ్గర చేయడమే అని మంచు విష్ణు చెబుతున్నాడు. ఒక్కొక్కరుగా నటీ నటులు ఈ సినిమా కోసం ఎంపికవుతున్నారు. తాజాగా టాలీవుడ్ నుంచి మరో సీనియర్ స్టార్ పేరు ఈ లిస్టులో ప్రచారం జరుగుతోంది.

ఆయన మరెవరో కాదు, నందమూరి నట సింహం బాలయ్య. బాలయ్య కోసం కొన్ని నిమిషాల నిడివి వున్న పాత్రను ఈ సినిమాలో డిజైన్ చేశారట.

ఆ పాత్ర కోసం బాలయ్యతో సంప్రదింపులు జరుగుతున్నాయట. త్వరలోనే క్లారిటీ రానుంది. అన్నట్లు గతంలో మంచు మనోజ్, బాలయ్య ప్రధాన పాత్రల్లో ‘ఊ కొడతావా ఉలిక్కి పడతావా’ సినిమా తెరకెక్కిన సంగతి తెలిసిందే.