వివాదాలు కొన్ని సినిమాల్ని విజయాల బాట పట్టిస్తాయని నిరూపించిన సంగతి తెలిసిందే. గతంలో అలాంటి ఓ వివాదాస్పద చిత్రంలో నటించిన ముద్దుగుమ్మ ఆదాశర్మ. అంతకు ముందు వరకూ కేవలం తన గ్లామర్‌తోనే కట్టి పడేసిన ఆదా శర్మ, ‘ది కేరళ స్టోరీస్’ సినిమాతో సెన్సేషనల్ అయిపోయిన సంగతి తెలిసిందే.

ఇప్పుడు మళ్లీ ఆ తరహా చిత్రంతోనే రాబోతోంది. అంతకు మించిన వివాదాలూ క్రియేట్ చేయబోతోంది. ఇంతకీ ఏంటా సినిమా.? ఏమా కథ.? అనుకుంటున్నారా.?

సినిమా పేరు ‘బస్తర్’. లేదా ‘బాస్టర్’ ఎలా పిలిచినా ఈ సినిమా మార్చి 15న ప్రేక్షకుల ముందుకు రానుంది. కథ, కథనాల ప్రకారం చూస్తే అత్యంత వివాదాస్పద చిత్రంగా వార్తల్లోకెక్కింది ఈ సినిమా.

14 ఏళ్ల క్రితం ఛత్తీస్‌ఘడ్ మావోయిస్ట్‌ల దాడిలో ఏకంగా 75 మంది సీఆర్‌పీఎఫ్ జవాన్లు ప్రాణాలు కోల్పోయారు. ఈ సంఘటన నిమిత్తం ఢిల్లీలో ఓ యూనివర్సిటీకి చెందిన కొందరు విద్యార్ధులు సెలబ్రేషన్లు జరుపుకున్న వార్త అప్పట్లో సంచలనమైంది.

ఈ నేపథ్యంతో రూపొందిన కథే ఈ ‘బస్తర్’ సినిమా అని లేటెస్ట్ ట్రైలర్ ద్వారా తెలుస్తోంది.