మినిస్ట్రీ ఆఫ్‌ ఎకానమీ అండ్‌ కామర్స్‌ (ఎంఇసి), వినియోగదారుల హక్కుల రక్షణ నేపథ్యంలో విస్తృతమైన ప్రచార కార్యక్రమాలను ప్రారంభించింది. ఎంఇసి అధికారులు 134 బచర్‌ షాపుల్లో తనిఖీలు నిర్వహించి, అందులో 14 షాపులకు జరీమానా విధించింది. ఈ షాపుల్లో కాలం చెల్లిన ఆహార పదార్థాల్ని విక్రయిస్తున్నట్లు అధికారులు గుర్తించారు. కుళ్ళిన మాంసం ఈ దుకాణాల్లో విక్రయిస్తున్నారని అధికారులు తెలిపారు. కన్స్యూమర్‌ ప్రొటెక్షన్‌ చట్టాన్ని ఉల్లంఘించినవారికి 3000 ఖతారీ రియాల్స్‌ నుంచి 1 మిలియన్‌ ఖతారీ రియాల్స్‌ వరకు జరీమానా విధించబడుతుంది. నిబంధనల ఉల్లంఘనపై వినియోగదారులు ఫిర్యాదులు చేయవచ్చునని అధికారులు సూచించారు. కాల్‌ సెంటర్‌ లేదా ఇ-మెయిల్‌, ట్విట్టర్‌, ఇన్‌స్టాగ్రామ్‌, ఐఫోన్‌ మరియు ఆండ్రాయిడ్‌ సర్వీసుల్లో ఎంఇసి అప్లికేషన్‌ ద్వారా కూడా ఫిర్యాదులు చేయవచ్చు.