బహ్రెయిన్: పర్యావరణం కోసం సుప్రీం కౌన్సిల్ (SCE) క్రాబ్ ఫిషింగ్ పై నిషేధం విధించింది. ఇకపై క్రాబ్స్ పట్టుకోవడం, విక్రయించడంపై విధించిన రెండు నెలల నిషేధం ప్రారంభించినట్లు ప్రకటించింది.  మే 15 వరకు క్రాబ్ ఫిషింగ్ పై నిషేధం కొనసాగుతుందని వెల్లడించింది. ఈ నిషేధం 2016 నాటి శాసనం (52)కి అనుగుణంగా తీసుకున్నట్లు కౌన్సిల్ తెలిపింది. సముద్ర సంపద మరియు జీవవైవిధ్యాన్ని పరిరక్షించడంలో బహ్రెయిన్ నిబద్ధతను స్పష్టం చేశారు.   సముద్ర సంపద బృందాలు సంబంధిత అధికారుల సహకారంతో ఎలాంటి ఉల్లంఘనలు జరగకుండా నిషేధాన్ని పర్యవేక్షిస్తాయని పేర్కొంది.