కీర్తి సురేష్ అంటే మహానటి. కానీ, కంటెంట్ నచ్చితే.. తన స్థాయిని కూడా మరిచిపోయి ఆయా కథల్లో తన సత్తా చాటుతుంటుంది. ‘మహానటి’ సినిమాతో ఆ స్థాయి స్టార్‌డమ్, స్టేటస్ అందుకున్నప్పటికీ.. కీర్తి సురేష్ ఎంచుకునే కథలు కొన్ని సందర్భాల్లో మైండ్ బ్లోయింగ్ అనిపిస్తుంటాయ్.
అలాంటిదే ఆమె నటించిన ‘చిన్ని’ మలయాళ చిత్రం. డీ గ్లామర్ రోల్‌లో నటించి వావ్ అనిపించింది ఈ సినిమాలో కీర్తి సురేష్. అలాగే, ఇప్పుడు మరో సినిమాలోనూ కీర్తి సురేష్ నటిస్తోంది.
చాలా తక్కువ స్కేల్ వున్న సినిమా. ఇది. అంతేకాదు, ధియేట్రకిల్ మూవీ కూడా కాదండోయ్. జస్ట్ ఓటీటీ సినిమా. సినిమా పేరు ‘ఉప్పు కప్పురంబు’. డిఫరెంట్ కాన్సెప్ట్ మూవీ. ఈ సినిమాలో కమెడియన్ సుహాస్ హీరోగా నటిస్తున్నాడు.
కంటెంట్ నచ్చడంతో, కీర్తి సురేష్‌ని సంప్రదించారట. వెంటనే కీర్తి సురేష్ ఓకే చెప్పేసిందట. అలా ఈ ఓటీటీ మూవీకి మహానటి ఎంపికైంది. సుహాస్ సినిమాలో కీర్తి సురేష్ అనే టాక్ విశేషమైంది.
అన్నట్లు కీర్తి సురేష్ మరో ఓటీటీ సినిమాలోనూ నటిస్తోందండోయ్. దాని పేరు ‘అక్క’. రాధికా ఆప్టే ఈ సినిమాలో కీలక పాత్ర పోషిస్తోంది.