జహ్రాలో ఇండియన్ పాస్‌పోర్ట్ సెంటర్ ప్రారంభం

జహ్రా: కువైట్‌లోని భారత రాయబారి హెచ్.ఇ. డాక్టర్ ఆదర్శ్ స్వైకా ఏప్రిల్ 1వ తేదీన జహ్రాలో కొత్త ఇండియన్ కాన్సులర్ అప్లికేషన్ సెంటర్ (ICAC)ని ప్రారంభించారు. ఇది ఎంబసీ యొక్క అవుట్‌సోర్సింగ్ భాగస్వామి M/s BLS ఇంటర్నేషనల్ ద్వారా నిర్వహించబడుతున్న కువైట్‌లోని నాల్గవ ICAC. మిగిలిన మూడు కువైట్ నగరంలో ఫహాహీల్ , జిలీబ్ ఉన్నాయి. జహ్రా ICAC అనేది కువైటీలకు భారతీయ వీసాలు, జహ్రా మరియు దాని పొరుగు ప్రాంతాలలో అబ్దాలీ వరకు నివసిస్తున్న భారతీయ పౌరులకు వివిధ కాన్సులర్ సేవలను సులభతరం చేయనుంది. అమ్నెస్టీకి సంబంధించిన ప్రయాణ పత్రాలు కూడా ఇక్కడ ప్రాసెస్ చేయనున్నారు. జహ్రాలోని కేంద్రం అబ్దల్లీ ప్రాంతంలోని కార్మికులతో సహా ఈ ప్రాంతంలో నివసిస్తున్న పెద్ద సంఖ్యలో భారతీయులకు ఈ సెంటర్ సహాయకారిగా ఉంటుందని భారత రాయబారి అన్నారు. ఈ ప్రాంతంలోని కువైట్ పౌరులకు భారతీయ వీసా సంబంధిత పత్రాలను పొందేందుకు కేంద్రం సహాయం చేస్తుందని, భారతదేశానికి వచ్చే కువైట్ సందర్శకుల సంఖ్య సంవత్సరాలుగా పెరుగుతోందని తెలిపారు.  కొత్త కేంద్రం దరఖాస్తు ప్రక్రియను మరింత వేగవంత చేస్తుందని తెలిపారు. పవిత్ర రమదాన్ మాసంలో జహ్రా కేంద్రం శనివారం నుండి గురువారం వరకు ఉదయం 9:00 నుండి మధ్యాహ్నం 2:00 గంటల వరకు అందుబాటులో ఉంటుందని తెలిపారు. ఈ కేంద్రం బిల్డింగ్ నెం. 27, అల్ ఖలీఫా భవనం, 2వ అంతస్తు, ఆఫీస్ 3 & 14, బ్లాక్ నెం. 93లో ఉంది.  కొత్త కాన్సులర్ అప్లికేషన్ సెంటర్‌లో అందించే సేవల గురించి మరింత సమాచారం అప్‌డేట్‌ల కోసం ఎంబసీ అధికారిక వెబ్‌సైట్ (http://www.indembkwt.gov.in) లేదా M/s BLS వెబ్‌సైట్ (http://www.blsinternational.com/india/kuwait/) సందర్శించాలని అధికారులు సూచించారు.