ఫ్యామిలీ స్టార్ సినిమాని గట్టిగా ప్రమోట్ చేస్తున్న సంగతి తెలిసిందే. దిల్ రాజు ఈ సినిమాని ప్రతిష్టాత్మకంగా తీసుకున్నారు. కాగా, ఈ సినిమా తెలుగు రాష్ట్రాలతో పాటూ, ఓవర్సీస్‌లోనూ గ్రాండ్‌గా రిలీజ్ అవుతోంది.
ఓవర్సీస్‌లో విజయ్ దేవరకొండ సినిమాలకు మాంచి క్రేజ్ వున్న సంగతి తెలిసిందే. అలాగే, గత చిత్రాలతో పాటూ, ఈ సినిమాని కూడా అదే అంచనాలతో అక్కడ రిలీజ్ చేస్తున్నారు.
తాజాగా అందుతోన్న సమాచారం ప్రకారం, సౌత్ అమెరికాలోని ఉరుగ్వే దేశంలో ఈ సినిమా రిలీజ్ కాబోతోందట. ఇంతవరకూ ఏ తెలుగు సినిమా కూడా ఈ దేశంలో రిలీజ్ కాలేదని సమాచారం.
ఆ క్రెడిట్ ‘ఫ్యామిలీ స్టార్’ సినిమాకే దక్కింది. నిజంగా విజయ్ దేవరకొండకు ఇది అరుదైన అవకాశమే. పరశురామ్ దర్శకత్వంలో తెరకెక్కుతోన్న ఈ సినిమాలో మృణాల్ హీరోయిన్‌గా నటిస్తోన్న సంగతి తెలిసిందే. ఈ శుక్రవారం ‘ఫ్యామిలీ స్టార్’ ప్రేక్షకుల ముందుకు రానుంది.