జెడ్డా: ఆకస్మిక వరదలు, నీటితో నిండిన ప్రాంతాలు మరియు లోయల నుండి దూరంగా సురక్షితమైన ప్రదేశాలలో ఉండాలని, ప్రజలు జాగ్రత్తగా ఉండాలని పౌర రక్షణ శాఖ జనరల్ డైరెక్టరేట్ హెచ్చరిక జారీ చేసింది.సివిల్ డిఫెన్స్ ప్రకటించిన సూచనలకు కట్టుబడి ఉండాలని కోరింది.  గురువారం వరకు రాజ్యంలోని చాలా ప్రాంతాలలో ఉరుములతో కూడిన వర్షం కురిసే అవకాశం ఉందని, ప్ర‌జ‌లు అప్ర‌మ‌త్తంగా ఉండాల‌ని తెలిపింది. ప్రత్యేకించి, మక్కా ప్రాంతంలో ఆకస్మిక వరదలు, వడగళ్ళ వాన‌లు, ఇసుక తుఫానులకు కారణమయ్యే బలమైన డౌన్‌డ్రాఫ్ట్ గాలులకు దారితీసే ప్ర‌మాదం ఉంద‌ని తెలిపింది. రాజధాని రియాద్, దిరియా, అఫీఫ్, దావద్మీ, అల్-కువైయా, మజ్మా, తాడిక్, మరాత్, అల్-ఘాట్, అల్-జుల్ఫీ, షక్రా, రుమా, హురైమిలా, దుర్మా, అల్-ముజాహిమియా, రియాద్ ప్రాంతంలోని ఖర్జ్, వాడి అల్-దవాసిర్, అల్-సులాయిల్, అల్-అఫ్లాజ్, హోతాత్ బని తమీమ్ మరియు అల్-హరిక్, నజ్రాన్, జజాన్, మదీనా, హైల్, ఉత్తర సరిహద్దులు, తూర్పు ప్రావిన్స్, తబుక్, అల్-జౌఫ్, అసిర్, అల్-బహా మరియు అల్-ఖాసిమ్ ప్రాంతాల‌ ప్ర‌జ‌లు అప్ర‌మ‌త్తంగా ఉండాల‌ని సూచించింది.