బన్నీ మాస్ జాతర మొదలైంది. ‘పుష్ప 2’ టీజర్ అనుకున్నట్లుగా ఆయన బర్త్‌డే స్పెషల్‌గా చిత్ర యూనిట్ రిలీజ్ చేసింది. రోజుకో పోస్టర్ రిలీజ్ చేసి ఈ గ్లింప్స్‌పై ఆసక్తి క్రియేట్ చేసినట్లుగానే ఫ్యాన్స్‌కి మంచి బర్త్‌డే ట్రీట్ ఇచ్చాడు బన్నీ.
జాతరలో మహిషాషుర మర్దని గెటప్‌లో దుండగుల్నీ చీల్చి చెండాడే సందర్భంలో చిత్రీకరించిన సన్నివేశమిది. బన్నీ గెటప్ ట్రెమండస్‌గా వుంది. కత్తితో బొట్టు పెట్టుకోవడం దగ్గర్నుంచి కాలికి కట్టిన గజ్జెలు ఘల్లుమనే శబ్ధం వరకూ గూస్ బంప్స్ తెప్పించేలా వున్నాయ్.
దాదాపు 300 కోట్ల బడ్జెట్‌తో ఈ సినిమాని అత్యంత ప్రతిష్టాత్మకంగా సుకుమార్ తెరకెక్కిస్తున్నాడు. దేవిశ్రీ ప్రసాద్ ఇవ్వబోయే బ్యాక్ గ్రౌండ్ మ్యూజిక్ ధియేటర్లలో ఎలా దద్దరిల్లబోతోందో శాంపిల్‌గా చూపించారు ఈ టీజర్‌లో.
ఆగస్ట్ 15న వరల్డ్ వైడ్‌గా రిలీజ్ కాబోతున్న ఈ చిత్రంపై అంచనాలు ఆకాశాన్నంటే రేంజ్‌లో వున్నాయ్. అసలే బన్నీ ఇప్పుడు జాతీయ ఉత్తమ నటుడు.