బీటెక్ చేసిన కుర్రోళ్లు బయటికొచ్చాకా, వుద్యోగాలు దొరక్క పడుతున్న పాట్లు అన్నీ ఇన్నీ కావు. వింటుంటే కామెడీగా వుంటుంది కానీ, ఆ స్ర్టెస్ తీసుకుంటున్న కుర్రాళ్లకే అర్ధమవుతుంది ఆ బాధేంటో.
తాజాగా అలాంటి ఓ ముగ్గురు బీటెక్ కుర్రాళ్ల జీవితాన్ని సినిమాగా తెరపై ఆవిష్కరించాడు ఓ డైరెక్టర్. ఆ సినిమా పేరే ‘కిస్మత్’. ఫీజు రీఎంబర్స్‌మెంట్ మీద బీటెక్ పూర్తి చేసి, ఉద్యోగం దొరక్క, ఇంట్లో తల్లిదండ్రుల పోరు పడలేక హైద్రాబాద్ చేరిన ఆ ముగ్గురు కుర్రోళ్లు చివరికి ఉద్యోగాలు సంపాదించారా.? అందుకోసం వారు పడిన పాట్లేంటీ.? కిస్మత్ వారిని ఎలా వరించింది.? తెలియాలంటే ఈ సినిమా చూడాల్సిందే.
అందుకోసం ధియేటర్లకు పోవాల్సిన పని లేదండోయ్. ఓటీటీలో ఈ సినిమా అందుబాటులో వుంది. చిన్న బడ్జెట్‌లో సినిమాటిక్ అంశాలన్నీ జోడించి, కమర్షియల్ ఫార్మేట్‌లోనే ఈ సినిమాని వినోదాత్మకంగా తెరకెక్కించారు.
ఈ క్రైమ్ కామెడీ డ్రామాకి ఓటీటీలో మంచి రెస్పాన్స్ వస్తోంది. నరేష్ అగస్త్య, అభినవ్ గోమటం, రియా సుమన్, శ్రీనివాస్ అవసరాల తదితరులు కీలక పాత్రలు పోషించారు ఈ సినిమాలో.