‘భానుశ్రీ బోర్సె’.. ఈ మధ్య ఈ పేరు టాలీవుడ్‌లో తెగ వినిపించింది. ఎవరీ భానుశ్రీ.? అంటే ఇంతవరకూ ప్రేక్షకులకు పరిచయం కాలేదు. త్వరలోనే మాస్ రాజా రవితేజ సినిమాతో తెలుగు ప్రేక్షకులకు పరిచయం కానుంది.
మాస్ రాజా రవితేజ, హరీష్ శంకర్ కాంబినేషన్‌లో రాబోయే ‘మిస్టర్ బచ్చన్’ సినిమాలో హీరోయినే ఈ ముద్దుగుమ్మ. ప్రస్తుతం షూటింగ్ దశలో వుందీ సినిమా. ఇంకా ఈ సినిమా రిలీజ్ కాకుండానే, అమ్మడి పేరు మార్మోగిపోతోంది.
అసలు మ్యాటర్ ఏంటంటే, ఈ ముద్దుగుమ్మ మరో బంపర్ ఛాన్స్ కొట్టేసిందనీ తెలుస్తోంది. అదేంటంటే, రౌడీ స్టార్ కాదు కాదు, ఇప్పుడు ఫ్యామిలీ స్టార్ అయిపోయిన విజయ్ దేవరకొండ సినిమాలో భానుశ్రీ బోర్సె హీరోయిన్‌గా ఎంపికైందని ప్రచారం జరుగుతోంది.
విజయ్ దేవరకొండ, గౌతమ్ తీన్ననూరి కాంబినేషన్‌లో ఓ సినిమా తెరకెక్కుతోన్న సంగతి తెలిసిందే. ఈ సినిమా కోసం విజయ్ పోలీసాఫీసర్ గెటప్ వేయబోతున్నాడు. ఈ సినిమాలో మొదట హీరోయిన్‌గా శ్రీలీలను అనుకున్నారు. కానీ, ఆ ప్లేస్‌లో ఇప్పుడు భానుశ్రీ బోర్సె పేరు వినిపిస్తోంది. చూడాలి మరి, ఈ ప్రచారంలో నిజమెంతో.!