సౌదీ అరేబియా 33 మంది గూడచారుల్ని అరెస్ట్‌ చేసింది. ఇరాన్‌ మరియు ఇజ్రాయెల్‌తో సంబంధాలున్న కారణంగా, ఆ దేశాల తరఫున గూఢచర్యం నిర్వహిస్తున్నారనే ఆరోపణలతో వీరిని అరెస్ట్‌ చేసినట్లు అధికారిక వర్గాలు వెల్లడించాయి. ఇందులో 30 మంది సౌదీలు కాగా, ఓ ఇరానియన్‌, అలాగే ఓ ఆఫ్గాన్‌, ఓ జోర్డానియన్‌ ఉన్నారు. వీరిలో ఓ వ్యక్తి ఇజ్రాయెల్‌ కోసం పనిచేస్తున్నాడు. 32 మంది ఇరాన్‌తో సంబంధాలున్నాయి. వీరందరికీ ఇరానియన్‌ ఇంటెలిజెన్స్‌ సర్వీసెస్‌తో సంబంధాలున్నట్లు గుర్తించారు. వీటికి సంబంధించిన ఆధారాలన్నిటినీ పోలీసులు సేకరించారు. ఇరాన్‌ కోసం గూఢచర్యం నిర్వహించేందుకు రిక్రూట్‌మెంట్లు కూడా చేపట్టినట్లు నిందితులపై ఆరోపణలున్నాయి. దేశ భద్రతకు ముప్పు వాటిల్లేలా వ్యవహరిస్తున్నారని వీరిపై కేసులు నమోదు చేశారు. ఇరాన్‌, లెబనాన్‌లో శిక్షణ తీసుకుని, సౌదీ అరేబియాలో అసాంఘీక కార్యకలాపాలు నిర్వహిస్తున్నట్లుగా పోలీసులు వీరిపై అభియోగాలు మోపారు.