యూఏఈ: క్లౌడ్-సీడింగ్ పుకార్లను జాతీయ వాతావరణ కేంద్రం (NCM) ఖండించింది. భారీ వ‌ర్షాల నేప‌థ్యంలో దేశవ్యాప్తంగా జనజీవనానికి అంతరాయం క‌లిగింది. దీంతో క్లౌడ్ సీడింగ్ కు సంబంధించిన వార్త‌లు సోష‌ల్ మీడియాలో వైర‌ల్ అయ్యాయి. తీవ్ర వాతావరణ పరిస్థితుల్లో, క్లౌడ్ సీడింగ్ జరగదని ఎన్‌సిఎమ్‌కి చెందిన డాక్టర్ అహ్మద్ హబీబ్ తెలిపారు.  మ‌రోవైపు యూఏఈలో మంగళవారం అసాధారణ వర్షపాతం నమోదైంది. 75 ఏళ్లలో అత్యధిక వర్షపాతం నమోదైంది. దేశంలోని ప‌లు ప్రాంతాలలో ఒక్కరోజులో 110మి.మీ వర్షం కురిసింది. దీంతో చాలా మంది నివాసితులు ఇబ్బందులు ప‌డ్డారు. వరదలతో నిండిన రోడ్లు, ఇళ్లు మరియు విమానాశ్రయాలు మరియు మాల్స్‌తో  ఇబ్బందులు ఎదుర్కొన్నారు. ఇప్పటి వరకు అల్ ఐన్‌లోని ఖత్మ్ అల్ షక్లా ప్రాంతంలో అత్యధిక వర్షపాతం నమోదైందని, 24 గంటల్లోపు 254 మిల్లీమీటర్ల వర్షం కురిసిందని ఎన్‌సిఎం తెలిపింది.