చెన్నై: లోకేష్ కనగరాజ్ దర్శకత్వంలో రజినీకాంత్ తన 171వ సినిమాని చేయబోతున్న సంగతి తెలిసిందే. ఇటీవలే ఈ మూవీ నుంచి రజిని ఫస్ట్ లుక్ ని రిలీజ్ చేసిన మేకర్స్.. ఆడియన్స్ లో మంచి బజ్ ని క్రియేట్ చేసారు. తాజాగా నేడు ఈ సినిమా టైటిల్ ని అనౌన్స్ చేస్తూ టీజర్ ని ఆడియన్స్ ముందుకు తీసుకు వచ్చారు. ఈ చిత్రానికి ‘కూలీ’ అనే టైటిల్ ని ఖరారు చేసారు.

ఇక ఇన్ని రోజులు డ్రగ్స్ మాఫియా చుట్టూ కథల్ని నడిపించిన లోకేష్ కనగరాజ్.. ఈ సినిమాలో గోల్డ్ మాఫియాని చూపించబోతున్నట్లు తెలుస్తుంది టీజర్ చూస్తుంటే. మూడు నిముషాలు పాటు ఉన్న ఈ టీజర్ ని యాక్షన్ కట్ తో రెడీ ఆడియన్స్ ముందుకు తీసుకు వచ్చి.. సినిమా పై భారీ అంచనాలనే క్రియేట్ చేసారు. మరి ఆ టీజర్ ని మీరు కూడా చూసేయండి.

ఇక ఈ టీజర్ తో మరి విషయం కూడా అర్ధమయ్యిపొయింది. లోకేష్ సినిమాటిక్ యూనివర్స్ తో ఈ మూవీకి ఏ సంబంధం లేదని. ఈ చిత్రాన్ని స్టాండ్ ఎలోన్ మూవీగానే తీసుకు వస్తున్నట్లు తెలుస్తుంది. సన్ పిక్చర్స్ నిర్మిస్తున్న ఈ చిత్రంలో నాగార్జున ఓ ముఖ్య పాత్ర చేస్తున్నట్లు వార్తలు వినిపిస్తున్నాయి. మరి వాటిలో ఎంత నిజముందో తెలియదు. ఈ చిత్రాన్ని తమిళ్, హిందీ, తెలుగు, కన్నడ భాషల్లో రిలీజ్ చేయనున్నారు.