‘హ్యాపీ డేస్’ సినిమాతో సూపర్ హిట్ కొట్టి యూత్ హీరోగా మారిపోయాడు వరుణ్ సందేశ్. ఆ తర్వాత ‘కొత్త బంగారు లోకం’ తదితర సూపర్ హిట్లు ఆయన ఖాతాలో వున్నాయ్. అయితే, ఇప్పుడు వరుణ్ సందేశ్ కెరీర్ ఏమంత హ్యాపీగా లేదు.

ఏదో ఒకటీ అరా సినిమాలు చేసుకుంటూ వస్తున్నాడు కానీ, అవి ఎప్పుడొస్తున్నాయో, ఎప్పుడు పోతున్నాయో అసలు కొన్ని సినిమాలైతే రిలీజ్ అవుతున్నాయో లేదో కూడా తెలియని పరిస్థితి.

తాజాగా ‘నింద’ అనే సినిమాతో ప్రేక్షకుల ముందుకొస్తున్నాడు వరుణ్ సందేశ్. ఇదో సస్పెన్స్ థ్రిల్లర్ కాన్సెప్ట్ అని తెలుస్తోంది. అయితే, వరుణ్ సందేశ్ వంటి హీరో నుంచి సినిమా అంటే, కాస్త రొమాన్స్.. హీరోయిన్‌తో డ్యూయెట్లు.. సరదా సరదా యూత్ సన్నివేశాలు ఎక్స్‌పెక్ట్ చేస్తుంటారు.

కానీ, ఈ సినిమాలో అవేమీ వున్నట్లు కనిపించడం లేదు టీజర్ చూస్తుంటే. లేటెస్ట్‌గా రిలీజ్ చేసిన ఈ సినిమా టీజర్ స్లోగా వుందన్న కామెంట్లు వినిపిస్తున్నాయ్. థ్రిల్లర్ కాన్సెప్టులు ఈ మధ్య బాగానే వర్కవుట్ అవుతున్నాయ్ కానీ, ప్రమోషన్స్ ఇంటెన్స్‌గా వుండాలి. కానీ, ‘నింద’ టీజరే చాలా స్లో ఇంపాక్ట్ క్రియేట్ చేసింది. మరి, సినిమా ఎలా వుంటుందో చూడాలిక.