అవునండీ.! ఒకప్పుడు పూరీ జగన్నాధ్‌తో సినిమాలు చేసేందుకు స్టార్ హీరోలు సైతం ఎగబడేవారు. అదేంటో, ఆయనతో సినిమా చేస్తే.. ఆ హీరో ఆటిట్యూడ్ గట్రా మారిపోయేవి. ఎక్కడ లేని కాన్ఫిడెన్స్ బిల్డప్ అయ్యేదన్న ప్రచారం వుండేది. కానీ, అదంతా ఒకప్పుడు.! ఇప్పుడు పూరీతో సినిమా అంటే ఆ హీరో పరిస్థితి మట్టే.!

అందుకు బెస్ట్ ఎగ్జాంపుల్ విజయ్ దేవరకొండని చూపిస్తున్నారు.. అలా తయారైందిప్పుడు పూరీ పరిస్థితి. కానీ, ఇప్పటికీ ఆయనతో సినిమాలు చేయాలనుకుంటున్న హీరోలు లేకపోలేదు.

ఆ లిస్టులో తాజాగా తేజ సజ్జా చేరాడు. ‘హనుమాన్’ సినిమాతో తేజ సజ్జా స్థాయి ఏ రేంజ్‌లో పెరిగిపోయిందో ప్రత్యేకంగా చెప్పక్కర్లేదు. అలాంటిది ఈ పరిస్థితుల్లో తేజ సజ్జా - పూరీ కాంబినేషన్ అనే ప్రచారం తెరపైకి వచ్చింది.

తేజ సజ్జా రిస్క్ చేస్తున్నాడేమో.! కాస్త ఆచి తూచి ఆలోచిస్తే బావుంటుంది.. అని కొందరు సలహాలిస్తున్నారట. అయితే, పూరీ దగ్గరున్న కథ తేజ సజ్జాకి బాగా నచ్చేసిందట. ఓకే కూడా చేసేశాడని తెలుస్తోంది.  అంత మంచి కథ వుంటే, తన కొడుకు ఆకాష్ పూరీకే మంచి కమ్ బ్యాక్ ఇవ్వొచ్చుగా.! అని ఇంకొందరు ఉచితంగా సూచనలిస్తున్నారు మరి.