గుమ్మడి కాయలో అనేక ఔషధ గుణాలున్నాయ్. గుమ్మడి కాయను కూరగా చేసుకుని తినేవారి సంఖ్య నిజానికి చాలా తక్కువే. కానీ, ఎన్నో ఔషధ గుణాలున్న గుమ్మడి కాయను తినడం ఆరోగ్యానికి మంచిదే అని నిపుణులు చెబుతున్నారు. కానీ, డయాబెటిస్ వున్న వారు గుమ్మడి కాయను తినకూడదు.

ఇందులో అధిక GI వుండడం వల్ల అది రక్తంలో చక్కెర స్థాయుల్ని పెంచేస్తుంది. సో, అస్సలు గుమ్మడి కాయ జోలికి పోకూడదు డయాబెటిస్ వున్నవాళ్లు. అలాగే, గర్భిణీ స్త్రీలు 
కూడా గుమ్మడి కాయను తినరాదని చెబుతున్నారు.

తింటే విపరీతమైన తలనొప్పి, కాళ్లు పీకుడు.. విరేచనాలు వంటి అనారోగ్య సమస్యలు తలెత్తే అవకాశాలున్నాయట. అలాగే పాలిచ్చే తల్లులకి కూడా గుమ్మడి కాయ పెట్టొద్దంటారు. వీరు తినడం వల్ల పుట్టిన బిడ్డ ఆరోగ్యంపై అది ప్రభావం చూపే ప్రమాదముంది.

అలర్జీలూ, ఏసీడీటీ, గ్యాస్ సమస్యలు లేదా ఇతరత్రా జీర్ణ సంబంధ సమస్యలున్నవాళ్లు సైతం గుమ్మడి కాయ జోలికి పోకుండా వుంటేనే మంచిది.

కానీ, మిగిలిన వారు గుమ్మడి కాయ తినడం వల్ల అనేక ఆరోగ్య ప్రయోజనాలున్నాయ్. గుమ్మడి కాయలోని జింక్, విటమిన్ సి, ఏ, బి కాంప్లెక్స్ విటమిన్లు, కాల్షియం, పాస్పారస్, ఐరన్ శరీరానికి ఎంతో మేలు చేస్తాయ్. అంతేకాదు, గుమ్మడికాయలో ఏకంగా 96 శాతం నీరుండడం వల్ల సమ్మర్‌లో డీ హైడ్రేషన్ నుంచి కూడా కాపాడుతుంది.