అభా: అభా అంతర్జాతీయ విమానాశ్రయం సౌదీ అరేబియాలో మొదటి సైలెంట్ విమానాశ్రయంగా మారింది. విమానాశ్రయాన్ని సైలెంట్‌గా మారుస్తూ ఎయిర్‌పోర్టు అధికారులు  ప్రకటించారు. టేకాఫ్, ప్రయాణికులను ఎక్కించడం, ప్రయాణికులకు చివరి కాల్ వంటి వాటికి సంబంధించి ఇకపై ఎలాంటి ప్రకటనలు ఉండవని స్ప‌ష్టం చేశారు. ఎయిర్‌పోర్ట్ మేనేజ్‌మెంట్  సాధారణ వాతావరణాన్ని మెరుగుపరచడానికి చివరి కాల్ లౌడ్‌స్పీకర్‌లను మూసివేసింది. ప్రపంచవ్యాప్తంగా ఉన్న అనేక అంతర్జాతీయ విమానాశ్రయాలలో వర్తించే అత్యుత్తమ గ్లోబల్ ప్రాక్టీస్‌లను అనుసరించడం కోసం విమానాశ్రయాన్ని నిశ్శబ్దంగా మార్చడానికి మేనేజ్‌మెంట్ ఈ మేర‌కు నిర్ణయాన్ని జారీ చేసింది. సింగపూర్ చాంగి ఇంటర్నేషనల్ ఎయిర్‌పోర్ట్, జ్యూరిచ్ ఇంటర్నేషనల్ ఎయిర్‌పోర్ట్, దుబాయ్ ఇంటర్నేషనల్ ఎయిర్‌పోర్ట్, ఆమ్‌స్టర్‌డామ్ ఇంటర్నేషనల్ ఎయిర్‌పోర్ట్ మరియు లండన్ సిటీ ఇంటర్నేషనల్ ఎయిర్‌పోర్ట్‌లతో సహా ప్రపంచంలోని అనేక విమానాశ్రయాలలో ఈ పద్ధతిని అనుస‌రిస్తున్న‌ట్లు అధికారులు తెలిపారు. ప్రయాణీకులకు ఫ్లైట్ డిస్‌ప్లే స్క్రీన్‌ల ద్వారా సంబంధిత ఖచ్చితమైన సమాచారం అందించబడుతుందని పేర్కొన్నారు. అయితే, విమానాల రద్దు లేదా ఆలస్యం లేదా ప్రయాణీకులకు ముఖ్యమైన ఇతర ప్రకటనలు వంటి కొన్ని అత్యవసర పరిస్థితుల్లో మాత్రమే ఉపయోగించబడుతుందన్నారు.