యూఏఈకి చెందిన సీ ప్లేన్‌ ఆపరేటర్‌ 'సీ వింగ్స్‌' యూఏఈ నుంచి ఒమన్‌ మరియు ఖతార్‌లకు ఎయిర్‌ ట్యాక్సీ సర్వీసులను ప్రారంభించింది. యూఏఈ సెంట్రల్‌ బిజినెస్‌ మరియు లీజర్‌ డెస్టినేషన్స్‌ నుంచి ఒమన్‌ మరియు ఖతార్‌ ఎయిర్‌పోర్ట్‌లకు ఈ ఎయిర్‌ ట్యాక్సీ సర్వీసులు నడుస్తాయి. దుబాయ్‌ ఇంటర్నేషనల్‌ ఎయిర్‌పోర్ట్‌, దుబాయ్‌ వరల్డ్‌ సెంట్రల్‌, జబెల్‌ అలి గోల్ఫ్‌ రిసార్ట్‌ అండ్‌ స్పా, దుబాయ్‌ క్రూయిజ్‌ టర్మినల్‌, అబుదాబీ ఇంటర్నేషనల్‌ ఎయిర్‌పోర్ట్‌, అల్‌ బతీన్‌, అల్‌ రువైస్‌, అల్‌ అయిన్‌ ఇంటర్నేషనల్‌ ఎయిర్‌పోర్ట్‌, రస్‌ అల్‌ ఖైమాలోని హిల్టన్‌ బీచ్‌ హోటల్‌, రస్‌ అల్‌ ఖైమా ఇంటర్నేషనల్‌ ఎయిర్‌పోర్ట్‌, అల్‌ హమారా మరియు సిటీ కోర్నిచె, ఫుజారియాలో అల్‌ అఖా బీచ్‌, ఫుజైరా ఇంటర్నేషనల్‌ ఎయిర్‌పోర్ట్‌, ఫుజారియా ఇంటర్నేషనల్‌ మెరైన్‌ క్లబ్‌ తదితర డెస్టినేషన్లకు ఎయిర్‌ ట్యాక్సీ సౌకర్యాలను అందిస్తుంది. నీటిలోంచి టేకాఫ్‌ తీసుకోవడం, అలాగే నీటిలో ల్యాండ్‌ అవడం, ఎయిర్‌పోర్ట్‌లో ల్యాండింగ్‌ టేకాఫ్‌ ఈ సీ ప్లేన్‌ ప్రత్యేకత అని సీ వింగ్‌ సీఈఓ స్టువర్ట్‌ వీలర్‌ చెప్పారు. ఎయిర్‌ ట్యాక్సీలలో ప్రయాణం అద్భుత అనుభూతిని అందిస్తుందని ఆయన అన్నారు.