మస్కట్: అల్ దహిరా గవర్నరేట్‌లోని హమ్రా అద్ దురు స్టేషన్‌లో 2024 జూన్ 2 (ఆదివారం) సుల్తానేట్ ఆఫ్ ఒమన్‌లో అత్యధిక ఉష్ణోగ్రత దాదాపు 50 డిగ్రీల సెల్సియస్‌గా నమోదైంది. ఒమన్ వాతావరణ శాక సమాచారం ప్రకారం, అల్ దహిరా గవర్నరేట్‌లోని హమ్రా అద్ దురు స్టేషన్‌లో గత 24 గంటల్లో అత్యధిక ఉష్ణోగ్రత 49.3 డిగ్రీల సెల్సియస్‌గా నమోదైంది. అల్ వుస్తా గవర్నరేట్‌లోని ఫహుద్ స్టేషన్ 49.0 డిగ్రీల సెల్సియస్‌తో ఆపై అల్ బురైమి గవర్నరేట్‌లోని సునయనహ్ స్టేషన్‌లో 48.5 డిగ్రీ సెల్సియస్ గా నమోదైంది. ఇక అల్ దహిరా గవర్నరేట్‌లోని ఇబ్రి స్టేషన్‌లో 48.3 డిగ్రీల సెల్సియస్, లివా స్టేషన్‌లో 48.2 డిగ్రీల సెల్సియస్ మరియు నార్త్ అల్ బతినా గవర్నరేట్‌లోని సోహర్ స్టేషన్‌లో 48.0 డిగ్రీల సెల్సియస్ నమోదైంది. దక్షిణ అల్ బతినా గవర్నరేట్‌లోని బార్కా స్టేషన్‌లో 47.9 డిగ్రీల సెల్సియస్ మరియు నార్త్ అల్ బతినా గవర్నరేట్‌లోని సహమ్ స్టేషన్‌లో 47.6 డిగ్రీల సెల్సియస్ నమోదైంది.