కువైట్:  కువైట్‌లో రాబోయే ఈద్ అల్ అదా సెలవుల నేపథ్యంలో చెల్లుబాటు అయ్యే రెసిడెన్సీ లేని భారతీయ పౌరులందరూ జూన్ 13వ తేదీలోగా క్షమాభిక్ష విధానాలను పూర్తి చేయాలని భారత రాయబార కార్యాలయం కోరింది. చట్టపరమైన పత్రాలు లేని ప్రవాసులకు కువైట్ క్షమాభిక్షను ప్రకటించింది. వారు తమ స్థితిని సరిదిద్దడానికి లేదా జరిమానా చెల్లించకుండా దేశం విడిచి వెళ్ళడానికి వీలు కల్పిస్తుంది. ఈ క్షమాభిక్ష జూన్ 17తో ముగుస్తుంది. అయితే, జూన్ 14 నుండి ఈద్ అల్ అదా కోసం మంత్రిత్వ శాఖ కార్యాలయాలు, రాయబార కార్యాలయాలకు సెలవు. ఈ నేపథ్యంలో భారత రాయబార కార్యాలయం చెల్లుబాటు అయ్యే ప్రయాణ పత్రాలు లేకుండా భారతదేశానికి తిరిగి రావాలనుకునే వారు జూన్ 13 లోపు ఏదైనా ఇండియన్ కాన్సులర్ అప్లికేషన్ సెంటర్‌లో దరఖాస్తు చేసుకోవాలని సూచించింది.