దోహా: తీవ్రమైన వేడి, తేమతో కూడిన కాలంలో, వృద్ధులు వేడి-సంబంధిత అనారోగ్యాల ప్రమాదాన్ని ఎక్కువగా ఎదుర్కొంటారని ప్రైమరీ హెల్త్ కేర్ కార్పొరేషన్ (PHCC) తెలిపింది. వాటి నుంచి తప్పించుకునేందుకు ప్రత్యేక శ్రద్ధ అవసరమని సూచించింది. వేడి వాతావరణం ఇతరులతో పోలిస్తే వృద్ధులకు తీవ్ర నష్టం చేస్తుందన్నారు. వృద్ధులు ఉష్ణోగ్రతను వేగంగా మారుస్తుందని తెలిపింది.  వేసవిలో వేడిగాలులు అనేది ఒక సాధారణ విషయం అని, ఫలితంగా ఉష్ణోగ్రతలు పెరుగుతాయని మెసైమీర్ హెల్త్ సెంటర్‌లోని ఫ్యామిలీ మెడిసిన్ కన్సల్టెంట్ డాక్టర్ కమర్ మంజల్జీ  తెలిపారు. ఈ వేడి పరిస్థితులు ఆరోగ్యాన్ని ప్రభావితం చేస్తాయని, వేడి అలసట, హీట్‌స్ట్రోక్, వడదెబ్బ మరియు వేడి ఒత్తిడి వంటి తీవ్రమైన అనారోగ్యాలకు దారితీయవచ్చని వెల్లడించారు. ఉష్ణోగ్రతలు పెరిగేకొద్దీ, వృద్ధులు వేడి మరియు వడదెబ్బ నుండి తమను తాము రక్షించుకోవడానికి జాగ్రత్తలు తీసుకోవాలని సూచించారు

పుష్కలంగా నీరు తాగాలని, తాజా పండ్ల రసాలు మరియు స్పోర్ట్స్ డ్రింక్స్ వంటి ద్రవాలను తీసుకోవడం ద్వారా హైడ్రేటెడ్ గా ఉండవచ్చన్నారు. ముఖ్యంగా పుచ్చకాయ, స్ట్రాబెర్రీ, ద్రాక్షపండు, పైనాపిల్, దోసకాయ, పాలకూర మరియు సెలెరీ వంటి వాటిని తరచూ తీసుకోవాలన్నారు. అదే సమయంలో అధిక కెఫిన్ ఉన్న పానీయాల నుండి దూరంగా ఉండలని సూచించారు.  హీట్ పీక్ అవర్స్‌లో నేరుగా సూర్యరశ్మిలోకి రావద్దని తెలిపారు.  సాయంత్రం వేళల్లో నడక వంటి వారి కార్యకలాపాలను నిర్వహించాలన్నారు.  కాటన్ వంటి తేలికపాటి బట్టలతో తయారు చేసిన దుస్తులను వీలైనంత వరకు ఎంచుకోవడం మంచిదని, ఎందుకంటే అవి శరీర వెంటిలేషన్, చెమటను గ్రహిస్తాయని తెలిపారు.  మధ్యాహ్నం సమయంలో బయటకు వెళ్లాల్సి వస్తే టోపీ, హానికరమైన UV కిరణాల నుండి కళ్ళను రక్షించడానికి సన్ గ్లాసెస్ ధరించాలని సూచించారు.