యూఏఈ: ఇంటి లోపల బేబీ గేట్‌లను అమర్చాలని తల్లిదండ్రులను అబుదాబి సివిల్ డిఫెన్స్  కోరింది. ఇంట్లో ప్రమాదాలు జరగకుండా ఉండటానికి తల్లిదండ్రులు బేబీ గేట్‌లను అమర్చాలని ఓ ట్వీట్‌లో పేర్కొంది. పిల్లలు ఇంట్లో ఆడుకోవడం వల్ల కలిగే ప్రమాదాలను చూపించే వీడియోను షేర్ చేశారు. మెట్ల మీద నుంచి జారిపోయే ప్రమాదం నుండి ఇంటి మొదటి అంతస్తు నుండి ప్రమాదవశాత్తూ కిందకు పడిపోవడం వరకు ఈ వీడియో.. ఇళ్లలో తరచుగా జరిగే అనేక ప్రమాదాలను హైలైట్ చేసింది. తమ ఇళ్లలో ప్రమాదాలు జరగకుండా ఉండేందుకు తల్లిదండ్రులు తమ ఇళ్లలో "ఎఫెక్టివ్, నాన్-క్లైంబ్" బారియర్‌లను ఏర్పాటు చేయాలని కోరారు.