బహ్రెయిన్: రహదారి భద్రత, ట్రాఫిక్ నిబంధనలను అమలు చేయడానికి బహ్రెయిన్ సిద్ధమైంది. ట్రాఫిక్ నిబంధనలను ఉల్లంఘించే నమోదుకాని మోటార్‌సైకిళ్లు మరియు రైడర్‌లపై జనరల్ డైరెక్టరేట్ ఆఫ్ ట్రాఫిక్ కఠినమైన చర్యలను తీసుకుంటుంది. ఇటీవలి రెండు వారాల క్యాంపెయిన్ లో అధికారులు 28 మోటార్‌సైకిళ్లను స్వాధీనం చేసుకున్నారు. దీంతో ఈ సంవత్సరం మొత్తం నమోదుకాని బైక్‌ల సంఖ్య 156కి చేరుకుంది. ముఖ్యంగా నివాస ప్రాంతాలలో నమోదుకాని మోటార్‌సైకిళ్ల వల్ల కలిగే ప్రమాదాలను  జనరల్ డైరెక్టరేట్ ఆఫ్ ట్రాఫిక్  హైలైట్ చేసింది. డ్రైవింగ్ లైసెన్స్ పొందడం మరియు హెల్మెట్ ధరించడం వంటి ట్రాఫిక్ నియమాలు, నిబంధనలకు కట్టుబడి, రహదారి వినియోగదారులందరికీ భద్రత కల్పించాలని రైడర్లను కోరింది. డ్రైవర్ల నిర్లక్ష్య ప్రవర్తనను నివారించడంలో తల్లిదండ్రుల బాధ్యత ముఖ్యమని, ఇది రైడర్లు మరియు ఇతరులను ప్రమాదాల నుంచి కాపాడుతుందని డైరెక్టరేట్ తెలిపింది.