కువైట్: ఈ నెల 15 నుండి 21 వరకు ట్రాఫిక్ అధికారులు 37,831 ఉల్లంఘనలను జారీ చేశారు. ఈ మేరకు  ట్రాఫిక్ విభాగం ప్రచురించిన గణాంకాల విడుదల చేశారు. ట్రాఫిక్ అధికారులు 47 మందిని ముందుజాగ్రత్తగా అదుపులోకి తీసుకొని..  211 వాహనాలు మరియు మోటారు సైకిళ్లను సీజ్ చేశారు. ఈ కాలంలో లైసెన్స్ లేకుండా డ్రైవింగ్ చేసినందుకు 26 మంది యువకులను ప్రాసిక్యూషన్‌కు రిఫర్ చేశారు. ఇదే కాలానికి 215  ప్రమాదాలు సహా 2,777 వివిధ నివేదికలను బృందం డీల్ చేసింది.