యూఏఈ: విదేశాంగ మంత్రి షేక్ అబ్దుల్లా బిన్ జాయెద్ అల్ నహ్యాన్, భారత విదేశాంగ మంత్రిగా మరోసారి బాధ్యతలు చేపట్టిన డాక్టర్ సుబ్రహ్మణ్యం జైశంకర్‌ను అభినందించారు.  అబుదాబిలో వీరిద్దరు భేటీ అయ్యారు. ఈ సందర్భంగా వారు రెండు దేశాల మధ్య దీర్ఘకాల స్నేహ సంబంధాలను మరింత బలోపేతం చేయడం గురించి చర్చించారు.  సమగ్ర వ్యూహాత్మక మరియు ఆర్థిక భాగస్వామ్యం  ద్వైపాక్షిక సహకారం  వివిధ రంగాలలో సాధించిన పురోగతిని వారు సమీక్షించారు. ఆర్థిక, వాణిజ్యం, పెట్టుబడి, విద్య, సంస్కృతి, ఆరోగ్యం, ఆహార భద్రత, పునరుత్పాదక ఇంధనం మరియు వాతావరణ మార్పులతో సహా అన్ని రంగాలలో ఉమ్మడి సహకారాన్ని బలోపేతం చేయడానికి రెండు దేశాల ప్రయత్నాలను షేక్ అబ్దుల్లా కొనియాడారు.

"మే 2022లో ప్రారంభించబడిన యూఏఈ-భారత సమగ్ర ఆర్థిక భాగస్వామ్య ఒప్పందం (సిఇపిఎ), రెండు దేశాల జాతీయ అభివృద్ధి లక్ష్యాలకు మద్దతు ఇచ్చే విధంగా ఆర్థిక మరియు వాణిజ్య సహకారాన్ని గణనీయంగా పెంచింది." అని ఆయన తెలిపారు. మధ్యప్రాచ్యంలోని పరిస్థితితో సహా ప్రస్తుత ప్రాంతీయ మరియు అంతర్జాతీయ పరిణామాలపై అభిప్రాయాలను కూడా ఇద్దరు నేతలు తమ అభిప్రాయాలను షేర్ చేసుకున్నారు.