కేవలం శారీరక ఆరోగ్యమే కాదు. మానసిక ఆరోగ్యాన్ని కూడా పట్టించుకోవాలి. కానీ కొందరు కేవలం శరీరం ఆరోగ్యంగా ఉండే ఆహారం తీసుకోవడంలాంటివి మాత్రమే చేస్తుంటారు. కానీ శరీరంతో పాటు మనసు కూడా ఆరోగ్యంగా ఉంటేనే మొత్తం మనిషి ఆరోగ్యంగా ఉన్నట్లు. మానసిక ఆరోగ్యం అంటే మెదడు ఆరోగ్యంగా ఉన్నట్లు. మన మెదడును ఆరోగ్యంగా ఉంచుకోవాలంటే, ముఖ్యంగా మనం తినే ఆహారంలో ఇవి తరచుగా ఉండేలా చూసుకోవాలి. చేపలు ఆరోగ్యానికి చాలా మేలు చేస్తాయి. ఇది అందరికీ తెలిసిందే. అయితే చేపల్లో ఉండే ఫాటీ ఆమ్లాలు మెదడుకు ఎంతో అవసరం అయిన ‘సెలీనియం’ను అందిస్తాయి. దాంతో మెదడు చురుగ్గా, ఆరోగ్యంగా ఉంటుంది. ఎదిగే పిల్లల్లో చేపలు తరచూ తీసుకుంటే ఎంతో మంచిది. ఆలీవ్‌ ఆయిల్‌ కూడా ఆరోగ్యానికి ఎంతో మేలు. సాధారణంగా వాడే ఆయిల్‌లో రోజూ ఆలివ్‌ ఆయిల్‌ మిక్స్‌ చేసి వాడడం ఎంతో మంచిది. ఇది ఒత్తిడిని తగ్గించి, మెదడు పని తీరుని మెదుగుపరుస్తుంది. ఇక తృణదాన్యాలు. వీటిని వారంలో కనీసం నాలుగు సార్లైనా తీసుకుంటే మంచిది. తృణధాన్యాలతో చేసిన జావ ఉదాహరణకు రాగి జావలాంటి వాటిని ప్రతిరోజూ ఉందయం ఒక గ్లాసు తీసుకుంటే మెదడుకు రక్త ప్రసరణ బాగా జరిగి రోజంతా ఎంతో ఉత్సాహంగా ఉంటుంది. వీటిలో కొవ్వుశాతం కూడా తక్కువ. శరీరానికి తగినంత శక్తిని కూడా అందించి ఆరోగ్యంగా ఉంచుతుంది.