కావలిసిన పదార్ధాలు
బాసుమతి రైస్‌ - పావుకిలో
అల్లం వెల్లుల్లి పేస్ట్‌ - ఒక చెంచా
వెల్లుల్లి రెబ్బలు - నాలుగు
ఎండుమిర్చి - మూడు
నెయ్యిలేదానూనె - రెండు టేబుల్‌ స్పూన్లు
ఎగ్స్‌ - రెండు
క్యాబేజీ తురుము - కప్పు
పచ్చి బఠానీ - ఒక కప్పు
కొత్తిమీర - ఒక కట్ట
సోయ సాస్‌ - అర స్పూన్
ఉల్లి కాడలు - మూడు
 క్యారెట్‌ - రెండు
ఉప్పు - తగినంత
తయారీ విధానం
ముందుగా బాస్మతి బియ్యం ఉడికించి పక్కన ఉంచాలి. గుడ్లలో చిటికెడు ఉప్పు వేసి బాగా గిలక్కొట్టాలి. మిక్సీలో వెల్లుల్లి, ఎండుమిర్చి, చిటికెడు ఉప్పు కలిపి మెత్తగా నూరాలి. ఒక బాణలిలో నూనె లేదా నెయ్యి వేసి దానిలో అల్లం వెల్లుల్లి పేస్ట్‌, క్యాబేజీ తురుము, క్యారెట్‌ ముక్కలు, పచ్చిబఠానీలు, ఉల్లికాడలు, మిక్సీ వేసిన ఎండుమిర్చి ముద్ద వేసి కొద్దిసేపు వేయించాలి. ఆ తరువాత దానిలో సోయాసాస్‌ కలపాలి. ఇప్పుడు ఉడికించిన అన్నం, ఉప్పు వేసి కలపాలి. ఇప్పుడు మొదట గిలక్కొట్టి పెట్టిన ఎగ్‌ మిశ్రమాన్ని పెనం మీద అట్టులా వేసి ఈ అన్నం మిశ్రమంలో చిదిమినట్టుగా వేసి బాగా కలపాలి. చివరిగా కొత్తిమీర తురుము, అవసరమైతే కొద్దిగా వేయించిన జీడిపప్పు కూడా వేసుకుంటే టేస్టీ టేస్టీ వెజిటబుల్‌ ఎగ్‌ ప్రైడ్‌ రైస్‌ రెడీ.