హజ్‌ అండ్‌ ఉమ్రా ఎఫైర్స్‌ హై కమిటీ, సోషల్‌ మీడియా ద్వారా మోసాలకు పాల్పడే నకిలీ హజ్‌ ఆపరేటర్లున్నారంటూ హెచ్చరికలు జారీ చేసింది. అల్‌ హజ్‌ అల్‌ అక్బర్‌, అన్వర్‌ అల్‌ జనా, బు రహమా, అల్‌ షాజి, అల్‌ మసారా, హజ్‌ కారవాన్‌, అల్‌ ముయాసర్‌, అల్‌ మర్జౌక్‌ కారవాన్‌, అన్వర్‌ అల్‌ సాజద్‌, అల్‌ ఫెర్దావ్స్‌ (ప్యారడైజ్‌), అల్‌ రయా, అల్‌ ఘోఫ్రాన్‌ అల్‌ అబర్‌ పేర్లతో సోషల్‌ మీడియా ద్వారా హజ్‌ యాత్రికుల్ని మోసం చేస్తున్నారని ఈ హెచ్చరికల్లో కమిటీ పేర్కొంది. నిబంధనలకు విరుద్ధంగా నకిలీ హజ్‌ టూర్స్‌ పేరుతో మోసం చేసేవారి పట్ల చట్ట పరంగా కఠినంగా వ్యవహరిస్తామని అధికారులు వెల్లడించారు. అధికారిక ఆపరేటర్స్‌ ద్వారా మాత్రమే ముస్లిం యాత్రీకులు హజ్‌, ఉమ్రా యాత్రలకు వెళ్ళాల్సిందిగా వారు సూచించారు. ఇస్లామిక్‌ ఎఫైర్స్‌ వెబ్‌సైట్‌ని సంప్రదించి, హజ్‌, ఉమ్రాకి సంబంధించిన వివరాలు తెలుసుకోవచ్చన్నారు అధికారులు.